بسم الله الرحمن الرحيم
لون الحياة
( قصيدتي مستوحاة من المسلسل المصري ــ سارة ، العودة إلي وضع الجنين ــ يعني الانسحاب الذاتي من الحياة ، حقيقي مسلسل متميز جداً ، خاصة موسيقاه التصويرية المدهشة )
كلمات / أحمد عبد اللطيف النجار
شاعر أم الدنيا
آهين وآه ، وآه وآه
لما البشر تبقى قلوبهم
متحجرة والقلب تاه
آهين علي دنيا البشر
متذبذبة بين خير وشر
أنا قلبي بينهم انحشر ...
طالب نجاه...
&&&&&&&
الحياة علي كل لون
الأخضر يعني الحنان
يعني المحبة والأمان
يعني يعيش فينا الأمل
ويعود الحب اللي كان
&&&&&&&
الأحمر شايفه علامة
ساعات يعبّر....
عن الوسامة
لكنه في يوم القيامة
في جهنم حسرة وندامة
&&&&&&&
الأصفر يعني الخمول
ورق الشجر حالته ذبول
يعني الخريف حل علينا
يعني الصعاب ملهاش حلول
&&&&&&&&
الأزرق يعني العمل والاجتهاد
شكل عمال المصانع والبلاد
لأجل تكبر بينا مصر
تبقي أم الدنيا وكل العباد
&&&&&&&&
الأسود رغم سماره
لون عجيب في اختياره
انطباعه قاسي جداً
لكنه صلب في قراره
&&&&&&&
البمبي يعني سعادة
تبقي أفراحنا زيادة
ولا تنقطع لينا عادة
وننظم خلفة وولادة !
&&&&&&&
البني دا لون عجيب
في الأصالة شيء مهيب
لو كنت في الحق واضح
ممكن الباطل يصيب !
&&&&&&&
البنفسج لونه يعني نرجسية
لون ورمز للآسية !
رغم أن ريحته حلوة
لكنه خسر القضية !
&&&&&&&
الأبيض لون الصفاء
قلبه يشع بضياء
يتحمل منك آسية
تكسبه بكلمة وفاء
&&&&&&&
يا كل عشاق الحياة
في الحياة ألوان كتير
اختار لنفسك أي لون
عامل الناس بضمير
ابعد عن الظلم وقول ..
للظالم أين المصير ؟!
لو تنام علي الشوك بعدلك
تقلب الشوك لحرير ... !
والكل يكبر في نظرك ..
الغفير قيل الأمير
&&&&&&&
شيء جميل شفناه في سارة
دراما هادفة وأصيلة
شفنا قلب الأم يبكي
علي بنتها الحلوة العليلة
المرض عصر فؤادها
عجزها مالوهش حيلة !
والشقايق شفنا نارهم
قايدة علي سارة الجميلة
قلبهم جامد وصخر
بين كل أبناء العيلة !!
&&&&&&&
شوفنا الآسية ألوان
مات وضاع الحنان
الكل باع ، الكل خان
واللى كان قلبه دهب
قالوا دا رجل مُهان
غدارة يا دنيا الإنسان
قلبك قاسي وقساوته
غلبت قساوة الحيوان !!
لما نشوف الدم ميه
والأطماع جوانا حية
يبقي علي البشر السلام
من غير وداع ولا تحية
من غير وداع ولا تحية
من غير وداع ولا تحية !!
أحمد عبد اللطيف النجار
شاعر أم الدنيا
