مجلة موسيقى الشعر العربى للشاعر/أحمد الشبراوى محمد

 

ألا فى مصر
عمرك شفت بسمه بهيه على
وجوه مشحوبه بالهموم مضروبه
ألا فى مصر
طيب عمرك شفت ست نكديه
وعلى جوزها مستقويه
ألا فى مصر
طيب عمرك شفت واحده ست
بميت راجل تجرى على المعيشه
وكمان تتاجر وتساعد البيه اللى
لا ليه ولا عليه
ألا فى مصر
طيب عمرك شفت شعب مطحون
وشايل الهموم ميملكش الا قوت
اليوم. ألا فى مصر
طيب عمرك شفت شعب أبن نكته
صاحب أفهات والكلمه عنده ليها
مردات تقله ياعمى يقول عم الدبب
طيب يا خالى خلخل نبانك
الحقينى ياماما يقول مو يلهفك
يوه يا بابا جاتك بو
طهقتونى وهمشى مشش فى ركبك
عايز أروح ألهى تروح ماترجع
عايز أطلع طلعت روحك
طيب هاقوم قامت قيامتك
طيب هنام تنام عليك حيطه
شفت الأفهات ألا فى مصر
طيب شوفت بنت قاعده على النت
فى الناس تشاكس والشباب تعاكس
تقلها بحبك تقلك حبك برص و10 خرس
تقولها هاتى بوسه باستك عقربه
ألا فى مصر
طيب عمرك شفت واحد متغرب
يجرى ويجرب وياخد جنسية
دوله أوربيه ويلف ويدور ويبقى
مشهور وتحكى عليه العصور
وفى نهاية مشواره يرجع لداره
ألا فى مصر
مصر حضاره رقى بسمه فرحه
أصحاب أكتر أفيهات مضحكه
تحيا مصر
بقلمى Andrew farag
Doha29/8=2016

 

  • Currently 0/5 Stars.
  • 1 2 3 4 5
0 تصويتات / 70 مشاهدة
نشرت فى 29 أغسطس 2016 بواسطة ah-shabrawy

أ/أحمد الشبراوى محمد

ah-shabrawy
نريد أن نرتقى بالشعر العربى وموسيقاه ونحمى لغتنا العربية من التردى فى متاهات عولمة اللغة تحياتي الشاعر والاديب / أ.أحمد الشبراوي »

ابحث

تسجيل الدخول

عدد زيارات الموقع

367,933