مونولوج الست مراتى
============ بقلم عونى هشام
الست مراتى
واقفه على الباب
حالفه لتخلى
الليله دى هباب
واقفه وبتزعق
بما فيها
فى ايديها مقشه
كمان قبقاب
طب اعمل ايه
انا يا اخواتى
حد يروح ينده
لحماتى
ولا هروح ابات
عند البواب
تسألنى ارد
تقول كداب
انا كنت اجازه
وخدانى غياب
كنت فى سهرايه
مع الاصحاب
افك عن نفسى
شويه
اتاريها عامله
كشف حساب
بالساعه
وكمان بالثانيه
قلبالى البيت
من فوقه لتحت
وكانه استديو
ياناس للنحت
نتفاهم ابدا
مافى فايده
وعنيها تشوفها
تقول قايده
فى دقيقه حماتى
كانت جايه
انا قلت تهديها شويه
دخلت بكلام
طلعوا الاتنين
والناس
شيفانا رايحه وجايه
دى بكلمه
ودى ترد عليها
وانا قلت
جايه تهديها
نصبوها عراك
وانا رحت هناك
ع السلم
انا خدته تنطبط
والحدف ورايا
عامل تخبيط
الناس اتلمت
حوالينا
ونشرنا غسيلنا
بايدينا
كل الشبابيك
حتى الابواب
الكل كات
عينه علينا
جه عب تواب
هو البواب
خدنى ونزلنا
ع القهوه
طيب خاطرى
وطلب المشاريب
وفى لحظه
لا قول على سهوه
شفت مراتى
ويا حماتى
واخدين توكتوك
وانا باتكتك
وكلام مع رغى
كتير لوك لوك
طب اعمل ايه
مع عملتها
كرهت انا عيشتى
مع عشيتها
والله حرام
كان نفسى انام
وهنام ازاى
وانا عندى دوام
طب اعمل ايه
دى عيشه
---------
‫#‏عونى_هشام‬