يامسطراني وجع
بقلم تامر النقيب
________
خلى الوداد موصول
وبلاش تعاتبينى
وبلاش تعدى الغلط
أو يوم تحاسبيني
أنا اللى عيشت كتير
ميت على شوفتك
أخر المتمه خلاص
عاوزة تفارقيني
زرعت فيكِ الحب
خليتي جسمي إتسل
ورويت ضلوعك شوق
دوبتى شهدى بخل
وزرعتلك نخله
وسط الورود تطلع
حصد بلحها الغير
وأنا حصدت السِل
أستنى ليه الغضب
وليه تعيشي الدور
لا بقيتى حمل كلام
ولاطايقه منى سطور
عاوزاني بس أكتب
فى الحب والأشواق
والحزن فين هيروح
دة واقفلي هو طابور
شوفي اسمعي منى
وطرطقى ودانك
لو حتى قصرك عِلي
بأسواره أدامك
لا ف يوم هكون ع الباب
واقف كما الدادبان
ولاحتى هبقى ف يوم
حارس وخدامك
طول عمري كنت الولد
اللى كما الفارس
زى الجبل ما انحنى
ولا حتى بتخابس
روحى ياشاطرة العبي
ويا اللى ضلوكِ
بلاش تكوني هنا
لاتقربي شوكي
وردى خلاص دبلان
ولاعدتش فيه بستان
الزرع بقى أحزان
من تحت طين غاطس
أوعاكِ فاكرة بكلمتين
هرجع وأقول ممنون
ولا أجرى على حضنك
وأبقى كما المجنون
أنا شوفت منك ألم
وجراح ووجع وندم
حتى بقيت من عدم
والجسم بقى مسموم
أنا اللي كنت الطير
دايما بغنيلك
الفرح والألحان
وبقلبي بدعيلك
راضي بحبك حلم
مع إني حاسك فيلم
ياللي ملاكي الظلم
انا كنت نور ليلك
كنت انا الكلمه
والشعر والقافيه
برضي بهم وذل
وبطلبلك العافيه
ظنيت في حبك خير
قولت هواكي دة غير
طلعتي زى البير
ميه ومش صافيه
عشت سنين ليكي
بمسح دموعي بالورق
بخطف شعاع الشمس
ونهاري مني أتسرق
والهم صاحبني
من كتره قلبي إتحرق
من كام سنه وأنتِ
مسطراني وجع
علي طرف سن القلم
من كلمتك بتوجع
و أنتِ بضحكه صفار
دايما بتتبسمي
وأحس روحى بتتخنق
و ضلوعي مني بتنخلع
روحى خلاص وإنسي
كل اللى كان بينا
فات الأوان ومعدش
ينفع انا استنى
لكن كمان إسمعي
خلى الوداد موصول
لكنه بالمعروف
لاتعاتبي قلبي اللى إنظلم
وإنسي كمان الخوف
أصلى خلاص قررت
أحرق مكاتيبك
مش عاوز اكون تانى
من ضمن محاسيبك
لو عاوزة تتفضلي
روحى وسلام يلا
مش هجرى عمرى وراكِ
والله راح أسيبك
منك أنا إتعلمت
أزاى أكون جاحد
والطيبه وقت اللزوم
وإمتى أكون جامد
وإمتى أبكى العين
وبناري اكون قايد
لكنى ما إتعلمت
أنى أكون خاين
ولا عمري زيك يوم
انا هعرف أتبارد
تامر النقيب .... من مؤلفاتي وليس منقولا
See Translation
Like
