ما بلاش
نعيد ونزيد
في رتوش من غير تحديد
عارفين في الأخر
ملناش سكة
وعيونا بتحكي ومختلفة
ودي دمعة بتنزل
مش ضحكة
في قلوبنا جراح
تايهه وخايفة
والعالم في حروب
مشتبكة
ومين المغلوب
وفين الغالب
ومين فينا
اصحاب بقوا وحبايب
ولا دي احلامنا
المشتركة
ويا خيط
يا حرير
مين قال الدمعة
افراح بتطير
وبنقول راحلين
ودي مش
تركة
هو ده كان واقع
ولا خيال
ولا حايفضل
مشغول البال
ولسة ايدينا
يادوب
ماسكة
في كتير الوان
من كل مكان
وده صوت انسان
مجنون احلام
وحايمشي
في مليون سكة
و سكة
من طبعنا
ولا اتطبعنا
على قرب قلوب بتخدعنا
وتعيش في حياتنا
وتوجعنا
وبحروف أسامينا
محتكة
بقلمي ابتسام عوض حسن
