مات الكلام
********
رغم ان الكلمة ممنوعة
وان طلعت مش مسموعة
لسة بدوب فيكى
ورايتك بأيدى مرفوعة
لسة بغنى بردو نشيدك
تعطشى دمى يغذى وريدك
عايش ادور عن احضانك
تنسى وعدى ما انسى وعيدك
حكايتك مولودة اصل معاية
ساكنة قلبى مالكة حشايا
مش بيدى انى اتغير
ولا غير شمسك تبقى غطايا
نيلك جارى بشريانى
وحامل لك احلى امانى
لسة بردو تصدقى غيرى
شيبتينى قبل اوانى
بستنى اطول بالبال
اشيل همك احمال
وقت عصارى بضفة رايقة
اغنى فى حبك ميت موال
خلصانة من غير ايمان
شربت كتير منك حرمان
تاخدى ما تدى لكن ودى
اعرف لية بحبك حيران
بقلم الشاعر / حاتم صلاح انور
