السطر ساب السطر
والخط بقى معووج
حتى النفس بالأمر
والقلب ليه محووج
لما ندوخ م الحر
والكر جايله فر
والبنت مسترجلة
والشاب حاطط روج
دي الخيبة غنوها
شاب الجنين م العفن
والجن طالب سكن
قلبي هزيل م المحن
ليه الدنيا مشبوهة
سكن الغيلان البلد
والخيبة م لهاش عدد
وعلى الخلا بتسند
أنا توهت في التوهة
من ألف مليون سنة
كله عبيد الأنا
حاسين معاها بهنا
ليه الفرحة خبوها؟
مر الأمل ع الضباب
ملقاش عندي شباب
ووهن يساند وهن
والفرحة ...عروها
نطقوا النشيد عبري
دول دمروا عمري
جانا الشيطان بدري
حضارتنا.. نسيوها
ابراهيم بدر عبدالله
