كلام من ريف المنصوره
==========
حبيت صبيا أمحيا
وشها بدر بدور
جميله جمال يابا
ولا بنات الحور
باست لى بسه
قتلت قلبى الجسور
رموشها بتضرب رصاص
تحيى الاحساس والشعور
عبيرها وهيا معديا
مسك فواح م الزهور
واه اه من خطوتها
غزال بعبر عبور
=
شفيفها نار نار
وكلمتها دوبت صخور
وخدودها بلاح شامى
فـــــجر بيشع نـــــــور
انا الى كنت مخصم العشق
بقيت عاشق مقهور
عوام والموج عالى
بيأه يفدنى الغرور
ودنى بقول على الملاء
عاشق وصابنى الدور
العشق يا ناس سلطان
فى كل معاركه منصور
==============
الشاعر مصطفى عبد المجيد
