راجع احبك
احمد صبري
-
بحبك لما تصدقيني
تحسي بيا لو ثواني
بحبك لما تتركيني
وترجعي لي تاني
-
شكلي راجع احبك
حبيبتي نفسي تفوقي
عايز اعود لحضنك
وتحضنيني بشوقي
-
علي صوت صرختك
اوعاكي يهمك شيء
الظلم مهما يسكتك
الحق يحب الجريء
-
سكتتك هتموتك
متخافيش جرم قاتل
اخرجي وبقوتك
السكات مش ساهل
-
صعب اشوفك متكتفة
مصدقة كدب الخاينين
ولا خايفة و متثبتة
عايشة في ليل حزين
-
موتيني معاكي لاكن
حرام نعيش خايفين
اهجري كل المساكن
عودي الى الميادين
-
ثوري معايا وقتها
اوعي تسيبي حقنا
اصل الصبر انتها
والموت اكرم لنا
-
راجع احبك حبيني
انهي ضعفنا كفايا
ارفعي راسي قويني
ولكل ظالم نهاية
