دي كانت ضحكتي
ما تستغربوش
أيوة كانت ضحكتي
ودي ابتسامتي لما كنت رايق
ودي البراءة مرسومة ع الوشوش
وبعديها بدقايق ؟!!!!!
أصبحت شايب
بعد ما كنت عايق
أصبحت وحش كاسر ؟
لاء أصبحت جيفة..
تحت أنياب الوحوش
دي كانت ضحكتي
لما كان لي أم شايلاني ف عنيها
ومغطياني بالرموش
لما كان لية حضن ..
يضمني بين الخلايق
لما كانت تلاعبنى أختى ولا أخويا
أصل كنا بنسميهم زمان... شقايق
انهاردة غيروا جلدهم
..... حتي الوشوش
لما كبرت...
قالو امك شايلة ب البومك الف صورة
حطيت البومي جنب مرايتي
بصيت في صوري ورجعت للمراية
لقيتها مكسورة
عذرت المراية بعد اللي شفته
والله من اللي شفته معذورة
مش راح اعتب عليها
وروحي مرسومة ع الجبين
..... بالحمل مقهورة
وآه يا وجعي اللي جوايا
يا غربتي ما بين سنين العمر
ولو يعود الأمر ؟!!!!!
كنت داريت من الصورة ... ضحكتي
ومن حبة نكدي ....ما تزعلوش
خالد العطار
