طولت ليه بُعدك؟

صعب علي البعاد مش قادرة أعيش بعدك

طولت ليه الغياب و لا نسيت وعدك ؟

واقفة ورا الشباك مشتاقة أنا لرسمك

يا حبيبي منتظرة أسمع حنين همسك

دايبة أنا في هواك بأحلم أنا بحضنك

أوعاك يا عمري تغيب تشغلي وجداني

إياك حبيبي تروح و تنسى أحضاني

و لا خلاص بعتني و لا عدت تهواني ؟

هجرك بيقتلني و يزيد في حرماني

يا حبيبي شكلك كده ضيعت عنواني!

نفسي يا روحي تعود تدّفّا بحناني

كفاياك ياقلبي غياب زودت أحزاني

خليتني أبات ليلي و دموعي ف عيوني

عاوزاك يا روح روحي جنبي تدفيني

بلاش يا روحي الهجر بعدك على عيني

حرام حبيبي البعاد حيرت أفكاري

سهرتني للفجر سودت نور داري

خليتني يا حبيبي أخاف عيون جاري

و أعيش سجينة البيت ليلي مع نهاري

أشكيك لمين دلني يطفِّي لهيب ناري ؟

ما أنا شوقي ليك زايد و توه أفكاري

أرجوك يا رب الكون تردلي الغالي

و تملا قلبي بفرح و تلطف بقا بحالي

علشان أعيش السعادة و يهدأ كمان بالي

من كلمات الشاعر / محمد العراقي

في 9 / 1 / 2016 م