طاعة ربنا
لو جابولى الكون دا كله
وإتكتب بإسمى انا
لو يطول عمرى ويبقى
الف ميت مليون سنه
لو هأملك بين إيديا
كل اسباب الهنا
مستحيل هلقى السعادة
غير فى طاعة ربنا
الذنوب زى الجبال
حمل راكن ع القلوب
والعلاج دا مش محال
العلاج إنى اتوب
ربنا بيقبل ويرحم
إللى يرجع مننا
مستحيل هلقى السعادة
غير فى طاعة ربنا
احلى حاجه ف الحياة
إنى اعيشها بالحلال
القى ف الأخرة النجاة
وارضى ربى ذو الجلال
وابقى فى زمرة نبينا
هو دا كل المنى
مستحيل القى السعادة
غير فى طاعة ربنا
بقلمى/محمود عبد العظيم
