همسات الشعر الحالمة نائلة سامى

(((خايف يازمان))))
قالوا زمان من خاف سلم
وهو اللى خاف فعلا سلم
يبقى الزمان فعلا ظلم
ايوه ظلم والظلم واضح
للى شاف ولى علم
خلى الانسان واحد جبان
حاسس كاْنة فى امتحان
تاية ومش لاقى الامان
خلاه اسير مسجون
ضايع فى وسط الكون
مش لاقى فى الحياه ولا لون
خلى الشباب
عاجز مريض
خلاه تاية فى الحياه
خلاه شريد
خلاه يحس انه وحيد
خلاه مش عارف
مين حبيبه ومين عدوه
خلاه يحس ان الحياه
دى واقفة ضده
وان الحياه قاسيه عليه
ودايماً تعانده
وكل شىْ فى الكون معاكسه
هو ماشى فى اتجاه
والحياه دى ماشيه عاكسه
خلاه يخاف انه يحلم انه يعيش
يخاف ينام يصحى يلاقى
كل شىْ اصبح مفيش
خلاه يشوف الكون صغير
ويقول انا هعمل ايه
فى الحياه دا العمر قصير
اصله عاجز ومش قادر يغير
والخوف واقفله يشد فيه
لما يعمل اى حاجه
يقوله ليه
وهو خايف
والكلام سيطر عليه
خلاه يغمض عنيه
ويمد ايده لخوفه
اصله واخد عليه
‫#‏نائلةسامى‬