مالك ساكِت حَزين

**************
مالك ؟؟؟
مالك ساكِت حَزين ؟
مش إنتَ !!!
إللي إستعجلت الرحيل
ياما كنت أحايل فيك
وأقولك بلاش !!!
بلاش الله يهديك
وإنت مافي حاجه تأثر فيك
ياما قولت لازمك تَغيير
دا إللي بينا حلم كبير
مش النهارده ولا إمبارح
دا ليه سنين كتير
وبلاش !!!
بلاش من إيدينا الحلم يطير
روحت وإستَعجِلت الرحيل
يبقي ليه ؟؟؟
يبقي ليه ساكِت حَزين ؟
خَليت حَياتنا جَحيم
شَمِت فينا العَدو واللَئيم
والتَفاهم والعِتاب بينا
بقي مُستَحيل
كُنت تغضَب أصالحك
ومافَكَر غير في فَرحَك
وأحاول أنسيَّ جَرحَك
وأفضل أدادي فيك
وأما كُنت أغضَب
بابتسامه مِنك وكِلمتين
أنسيَّ كل شيئ
وأجري بيك أرحَب
مِش مَره واحده ولا مَرتين
لا يوم ولا شَهر ولاشَهرين
دا ليك سِنين وسِنين
وإنتَ !!!
إنتَ ولا شيئ يعنيك
وروحت وإستَعجِلت الرَحيل
يبقيَّ العيب فيا ولا فيك
يبقيَّ أعملَك إيه
وإنتَ إللي زَعلان !
زَعلان مِن إيه وليه ؟
كان نِفسي إني
أكَمل حَياتي مَعاك
فاهِمني وأنا فَهماك
مَنا مالي بالدُنيا سِواك
حاوِلت !!!
لَكِني فَشَلت مَعاك
وكل دا ولا يعنيك
والكِبر زاد ومَلاك
والعِند إتحَكم فيك
قولت أهرَب لَكِني
ماقدرتِش أنسيَّ إنيِ
لِسه بَدوب في هَواك
كان بُعدي عَنَك مُستَحيل
لَكِن إنتَ جيت
وإستَعجِلت الرَحيل
يبقيَّ ليه باين عَليك حَزين
رَحَلت ومِن بَعدَك ليا مِين
أخَدت مَعاك روحي والحَنين
وماتبَقيَّ غير شِوية ألم
مَصحوب بالَندم والأنين
وذِكريات عَبر الأماكن
أستَحضر فيها ذاتك
هيك صورتك ب إبتسامتك
علي صَفحة النَهرِ حَزين
وصوتك أهو رنان
صَديَّ نَبَراته حَنان
وروحك ع الشَطين
شارده بتسأل مالك ؟
ليه ساكت حَزين ؟
سِبتِني وروحت فين ؟
فين راح الأمان ؟
ما عاد في القلب مكان
لا للحيره ولا الأحزان
داأنا جواك
سَكناك
عاشِقني وأنا عَشقاك
وغيرك أبداً مالي سِواك
صفاء عبد ربه