بتوحشني

*****

بتوحشني واتوه في البعد واتألم

بتوحشني عيونك لما تتكلم

وف بعادك بالاقي القلب مشتاقلك
ونبض القلب من أشواقه بيسلم

عشان خاطرك
بالاقي الروح مفارقاني
وعايشة معاكي
احلامها ونسياني
وأقول هانسي
الاقي النفس من تاني
تقول حبك ده جوة القلب بيعلّم
ونبض القلب من أشواقه بيسلم

واعيش سواح
يارحلة حب جوايا
واكون تايه
الاقي عنيكي مرسايا
وبارجع لك
يا أجمل قصة وحكاية
عشان خاطرك هاضحي العمر مش هاندم
ونبض القلب من أشواقه بيسلم