رحت لقاضي القضاه .. اشكي له ظلم الناس ...
وابكي من اللي حصل .. بصدق وباخلاص ...
ياقاضي ارفع عني ظلم العباد .. وخلاص ...
القلب اصبح وطن للهم . للاحزااان ...
. ..........
ياقاضي ايه فكرتك عني .. انت التاني ...
اول مره اجي .. ومش هجيلك تاني ...

انا اللي قلبي اتظلم . في ارضي . في اوطاني ...

دبحوني اهل الهوي . وسابوني باحزاني ...
...................

عشقت ياقاضي بحق ..عشق الزروع للميه ...
والقلب داب وانشق .. في حب جنيه ...
كتب فيها الشعر .. وعليها الشعر دا شويه ...
انا اصلي غريب .. ومالي ياقاضي حد ...
اعطف علي وجيب .. حقي ياقاضي بجد ...
............

يا ابني انت غلطت . وغلطك وضح و بان ...

وجاي تشكي من الهم . من الاحزااان ...
بتنزل بحر الهوي . وجاي تشكي لي ...

وتقول قلبي انكسر . وبالدمع تحكيلي ...
واحنا في قانون الحب . اللي يحب يتحمل ...

يايموت بهم وحزن .. يا يرضي ويكمل ...
...................
ومشيت اجر رجلي . اروح لمين تاني ...
اخبط علي بابه . اشكي له احزاني ...

يارب انت المعين . اصلح لي احوالي ...
وكن لي خير معين . بدد لي اوهامي ...
فتحي وجيه
طنطا .