.... اعذرني ياقلبي .....

اعذرني ياقلبي اعذرني ..
لسه طيفه بيزورني ..
وساكن في الخيال ..
نفسي نطير طياره ..
نطلع فوق سطح عماره ..
نلعب زي العيال ..
يضم حضنه لحضني ..
ولدنيا الخيال ياخدني ..
وكفايه راحه البال ..
نعيش العمر اللي ضاع ..
من غير وجع صداع ..
ولانبكي بالموال ..
نبني من الرمله بيت ..
من غير عمدان ولا حيط ..
تيجي الميه عليه ..
يطير يمين وشمال ..
نركب مركب كبيره ..
ترسي في اي مينا ..
وننسي كل اللي قال ..
يالا ياحبيبي خدني ..
ولدنيا تانيه ابعدني ..
قبل م العمر يضيع ..
هات ايدك بايدي ..
يجري الدم بوريدي ..
ولا فيه شئ محال ..
اعذرني يا قلبي اعذرني ..
لسه طيفه بيزورني ..
وساكن في الخيال ..
وساكن في الخيال ..
فتحي وجيه ..