****
*****توت توت******
ها اقول كلام تقولو غلط او مظبوط
حياتك قطر بـ معاد مظبوط
والدنيا ماشيه ومش ماشيه
ساعات تكون طيبه وحنونه
وسعات تكون مُره واسيه
توت توت كلامى مظبوط
******
والابن بينيسى امه وابوه
اللى فى الدنيا جابوه
قال يعنى خلاص بقى راجل
و ياما سهروا بيه وربوه
توت توت كلامى مظبوط
*******
والبنت نسيت تقاليدنا
سيبى الموضه مش ها تفيدنا
اصحى يا بنتى بقى وفوقى
دا الام مدرسه لـ اولادنا
توت توت كلامى مظبوط
********
حتى الحب بقى تجاره
محتاج فهلوه ويا شطاره
عشات تخلى البت تحبك
ع الحب يا الف خساره
توت توت كلامى مظبوط
******
حتة الصاحب يبيع صاحبه
اللى طول عُمره مصاحبه
لو ماكانشى وراه فايده
كأنه لاعرفه ولا صاحبه
توت توت كلامى مظبوط
******
حتى انت من جواك حيران
والعقل خلاص ها يجيله جنان
ولو مشيت عكس الموجه
ها تلاقى نفسك فى النسيان
توت توت كلامى مظبوط
*****
على حافظ
