علميني يا دنيا
اللي ما اتعلمتوش
واتعبيني
وحيريني
أصل عمري
ما حسبتهوش
علميني ازاي
أخبي
وازاي أداري
اللي جوه
فيه مراري
علميني ازاي
أعيش
وألاقي حلم
مايشتكيش
وافرح الفرحة
باختياري
وانصحيني وكلميني
واجرحيني واهزميني
وان بكيت
امسحي دمعة عيوني
علميني ازاي ما اخافش
وازاي اخاف
علميني كلمتي امتى
تكون سيف
اخر المطاف
علميني انسى حزني
وانسى ظلم مين
ظلمني
وانسى ضعفي اللي
ساكني
سنين سكات
علميني يا دنيا
واوعديني بثانية
انسى حلم
كان ساعات
جوه عمري
بعشقك
وسنين طويلة
بصدقك
وأقول بألمي
ما اودعك
وعلميني يا دنيا

بقلمي ابتسام عوض حسن