نفسى أحلم نفسى أنام
نفسى الاقى فى الحلم سلام
وأشوف كعبورة والعب كورة
نفسى أعيش الحلم غرام
نفسى أعيش فى الدنيا سعيد
بدل منا عايشها عنيد
أضرب ده وأنادى فى ده
علشان أبقى جديد فى جديد
نفسى أصحى وأنام من تانى
الاقى حبيبى حه ونادانى
تحت الشجرة وفى ايده الوردة
وأمسك أيده ولو لثوانى
نفسى أصحى على مصر الآحلام
اللى فيها الكلمة سلام
تنادى الروح !!! مش مجروح !!!!!
مش تبقالى كلام فى كلام.
وأزرع فيها وأعلى مقامها
وأكت روحى شهيد قدامها
وأزرع قلبى تحت ترابها
يمكن أعيش حلم أمانها
أمتى أعيش وما شوفشى الموت
وأنا بحلم بشجر التوت
اللى يعمر تراب الصحرا
مش تطرحلى بس سكوت.
نفسى أحب وكمان أتحب
نفسى أشوف جذور الحب
نفسى أضم نبات الآرض
نفسى أحس بنبض القلب
وأرجع تانى أنام وأطير.
وأصحى ياعينى على صوت عصافير
مش صوت رصــــــاص الموت..
اللى الصوت بتاعه خطير .....
وأسمع كرملة رايحة وجاية
وتقولى ياواد يا ضى عنيـــة
أصحى كفايــــة تعالى معايا
لحــــد الشط وموج الميــــه
نكتب فوق موجها الكلمات...
بحروف من نووور لآحلى الحكايات..
وتعالى نرقص رقص الحنيـــــه
وشوف ياحبيبى رقص الستات
نفسى أحلم قبل النوم
أنى سعيد مش مهموم
وأن جيوبى فيها فلوس
مش مفلس طول اليوم
نفسى أنام وأفضل نايم
بدل الحلم ما يفضل صايم
وأفضل أحلم وأحلم وأحلم
وأصحى على الحق القايم
.....................................
بقلم ..........محمد لبيب مصيلحى
