من قلبى الحزين برسل رسالة من ألانين
لكل عاشق لكل صـاحب كان فى العنيــن
أياك تصاحب خاين طريق وأصبح غريــــــق
وناسى أن الصحبة من المحبة هى الحنين
خلاص تاه الآمان اللى كنا بنحلم بيه سنين
لا عاد بينا الكلام ولا نعرف راح فيـــن ولمين
مات اللى مات بينـا وماتت بينــــا الحيـــــــاه
لاوجودك يفرق عندى ولا حتى نظرة عنيـــن
شيل شيلتك وأبعد بهمك واقتل فى قلبك
ولا عايزك تانى تقرب ولا تقولى من تانى بحبك
وموت مع الاموات فى بحر الطمع الحزيـــــن
وسيبنى اعيش الباقى من عمرى بره عمرك
بس ياريت وانت بتعبد بلاش تجرح فى الآحباب
وياريت ساعتها تقتل فيك اى لحظة من العذاب
خلينى أنسى العمر اللى ضاع اربعين سنه
فى صحبة كانت بتفتح من المحبة كل باب
من قلبى الحزين برسل ليك اخر رسالة
خلاص بنهى معاك كل كلام كان مهانه
يالله عيش حياتك بكل ما فيك من غرام
اصلك صديق ونعم الرفيق وكلك شهامة
----------------------------------------------------
بقلم - محمد لبيب مصيلحى