أمانة يا بحر
للشاعر : أحمد الشبراوى محمد
أمانة يا بحر
حملتك أمانة
ان جالك حبيبى
اكتب له السلامة
خده فى حضنك
وطبطب عليه
اديله أمان
وبوس لى عينيه
قول له حبيبك
باعتلك رسالة
يطمن عليك
روحه عليا فى سمانا
بتحوم وتطوف حواليك
هيمانه
عشقانه
قلقانه عليك
.............
أمانة يا موج يا عالى
توطى وتهدى
وتحمل حبيبى
على بساطك
وتمسح على خده
دلل حبيبى
وحاسب قوى
حاسب على قده
لا تغضب ولا تثور
وهدى وعدى
يا موج يا عالى
...................
وانت يانسمة
كونى كدا بسمة
على بحر حبيبى
كونى كمان شاهدة
على حبى ليه
حملتك أمانه
تعدى عليه
تهفهفى تبردى
تلطفى بحره ليه
تحطي على جبينه
منى ألف بوسه
وعلى كل حته فيه
منى سلام
