اولاد الحلال
.=====
عدا الليل واليوم ملوش اخر
وليل ونهار شقيان علي الاخر
نهاري دق وزق وسوق وعفار
وغبار الاقدام علي خددنا بان
ما يعلم بنا غير ربنا والعيال
دا يابا هات والست كمان
وانا الظهر نحلني والهم كمان
اسعي علي رزقي ورزق اللي خلقني
ملوش محال سعيت علي قد ماسعيت
ورزقي علي قد الحال
قولت اسافر ورب هنا رب في كل مكان
وطال بيا السفر اسعي علي رزق العيال
قالو العلم نور قولت لبهانه ذيديهم
بهانه دي مرتي وام العيال
علمت وشقيت وكبرت
سهرت عليهم ليالي طوال
قولت ارجع واقعد مع العيال
وكفايا سفر وحيره وغربه ليالي طوال
لقيت بهانه بتبكي سنين طوال
العيال مبجوش عيال
بقم رجاله عراض طوال
وسبوها لوحدها سهرانه لبالي طوال
لاسالو في يوم عليها وكمان سابو الدار
اللي اتجوز واللي هاجر واللي مش عارف هو فين
قولت المهم تاني حواليه
وافرح قلب الوليه
لكن من امتي نجدر نلم تاني الغبار
بعد ماانتشر وطار
الحياه بقت مرار
حطيت ايدي علي خدي بفكر وانا سرحان
لقيت الباب بيدق قولت ياخبر مين علي باب الدار
لقيت ولادي متجمعين وفي حضن امهم بكو بدمع العين
قولت بشراي اليوم تعبي كان لولادي اولاد حلال
ياللي سهران علي ولادك ارزع فيهم الرحمه
وانسي القسي شويه ربيهم علي الخير
والحمدلله لقيت خير في ولادي
وبهانه بقت سعيده
بقلم نسمه الحياه
