مجلة موسيقى الشعر العربى للشاعر/أحمد الشبراوى محمد

اااه من الدنيا

ناس بتغني و ناس بتنوح

و ناس لقمتها بشق الروح

و ناس دنيتها تعب و جروح

و ناس بتبات بخاطر مشروح

و ناس مسكنها فلل و قصور

و ناس مش لاقية يا عم سطوح

و ناس بالسر تموت ما تبوح

و ناس م الفقر بتيجي و تروح

و ناس في عيونها سؤال مطروح

و اي كلام لها غير مسموح

و هي الدنيا ايه الا بناسها

و كل الناس عاملين حراسها

و بيطاطوا و يبوسوا مداسها

و مكانهم مفروض فوق راسها

بس الناس اتكالبوا و رخصوا

فداستهم و رمت حراسها

اه من دنيا الغدر يا صاحبي

لعبت بينا و تعبت قلبي

شكوتي منها اليك يا ربي

رد شرورها و نور دربي

من كلمات الشاعر المصري

محـــــــــمد العــــــراقي

في 16 / 8 / 2015 م

  • Currently 0/5 Stars.
  • 1 2 3 4 5
0 تصويتات / 75 مشاهدة
نشرت فى 16 أغسطس 2015 بواسطة ah-shabrawy

أ/أحمد الشبراوى محمد

ah-shabrawy
نريد أن نرتقى بالشعر العربى وموسيقاه ونحمى لغتنا العربية من التردى فى متاهات عولمة اللغة تحياتي الشاعر والاديب / أ.أحمد الشبراوي »

ابحث

تسجيل الدخول

عدد زيارات الموقع

367,881