صياد****
صياد وعندى صيد السمك غيه
نزلت بحر الهو اصطاد لى بلطيه
لمحت حوريه بتتمايل ع الميه
ما اعرف هى انسيه ولا جنيه
شبكت قلبى وعقلى وقبلهم عنيه
وبدل ما اصيدها بشبكها صادتنى هيه
******
الرمش لوحده حكايه تغنى له كام اغنيه
عينين كُحلها ربانى ولونها كمان عسليه
عودها كا غُصن البان وخدود تقول ورديه
قلت اروح ليها لاقيتها جايه عليه
القلب زاد دقاته وقلت ها يُغمى عليه
مادرتشى انا قاعد فين صحرا ولا ع الميه
*******
انا قلت جمد قلبك مادام بقى جاتلك هيه
قلت اسمك ايه ردى بسرعه عليه
وايه فى بحر الهوى جابك هنا ياصبيه
ردت وقالتى حُبك م انت اللى غالى عليه
مديت ايدى امسك ايدها مسكت الهوى بإيديه
وفجأه صحيت من نومى والنوم فارق عنيه
******
على حافظ
