كنت عارفه
**********
كنت عارفه
إتك مش ليا
وإن الدنيا
عمر ما هاتمنحني هديه
وإن مهماً نقرب
فراقنا قريب
وإنت عني
بردوا غريب
أيوا كنت عارفه
كنت عارفه
إن هيا دي الحقيقه
ماأنا كنت حاسه جوايا بحاجات
حاجات كثير ياما غريبه
بس تجاهلتها
أعمل إيه
أعمل إيه ماأنا كنت تايهه
تايهه وهايمه في دنيتي
مسجونه جوه ضلمه
جوه سور حريتي
وسط سحابة غمام
كنت أرجع للورا
والكل طالع للأمام
قولت يمكن
يمكن تكون شمعه
مضيئه في سكتي
تنور من تاني حياتي
وسط ضلمة ذكرياتي
والسواد إللي كاتم بصدري
والحزن إللي مكتوب بقدري
وسط آلامي وآهاتي
ماهوا دا !!!
هوا دا كان نمطي في حياتي
فجأه لقيتك زي برق
عدي بسرعه وراح
وخلف لي وراه
كَم م الجراح
ماأنا إللي رميت نفسي
في بحرك
وإتحملت هجرك
وسط صدك
سحبت روحي
وخطفني سِحرك
وبدال ماتشيل عني همومي
زودت أأسايا وشجوني
وطلعت نوه
نوه تيارها عالي
بتسحب م الحياه
كل الغوالي
لا تبقي علي رفيق
ولا ليها صديق
قلبها قاسي مايرحم
والعقل غايب مايفهم
ولا بتطفي حريق
كنت ضلمه
كنت نور
كنت مجموعة ظنون
كنت هادر
كنت غادر
ودايماً ثاير علي طول
وبدال ما تخفف عني
ظلم الناس والجور
كنت أنا إللي أسامحك
وين ما تكون
صدقتك وكذبت نفسي
وخدت كلامك جد
أتاري دا من يأسي
وكله كان مضيعه للوقت
ومافيه حاجه م الصدق
أخدت عمري
أخدت إسمي
وما تبقي شيئ من رسمي
وفضلت أنا أضرب راسي بالسد
كنت عبيطه
أيوا عبيطه بجد
لما غمضت عيني
وسلمت قراري لحد
شوفت الدنيا بعيون تانيين
عيون أشباه للبني آدمين
ولما سألوني عن الحب
سكت وما عرفت أرد
قولت أهاود
ومارضيت أجاوب
بأني في الهوي دايب
بس خلاص
بجد خلاص أنا تُبت
وعلي إيديك ياما إتعلمت
وعرفت إتك من غير روح
والإحساس عندك مجروح
وإنك خاين للعهد
وماتعرف توفي بوعد
ولا إيه معني الحب
ماعرفت إنه إمتزاج الروح بالدم
والفكر لازم ينوحد
والإحساس بحرارة النبض
ولقيتك واحد تاني
أصله أناني
داس المشاعر
داس الأماني
ودوسنا كثير علي بعض
قولت زعلت
والله ماهمك
شوفت عمايلك
عرفت إني عليك هنت
وإحترت والله في أمرك
قولت أعاتبك
أقسمت وقولت دا وهمك
قولت براحتك
والله بناقصك
راح أعود نفسي علي بعدك
وأمحي من قلبي أشواقك
وإنت خليك كدا علي طول
شرق .غرب
صول وجول
لف الدنيا
ولف الكون
وأتحداك إنك مره تصون
أو تنساني
أو تنسي حناني
أو صدق القول في كلامي
وبعد عمايلك
إن كان ليك
لسه في قلبي مكان
راح أعوده علي الحرمان
وإن جيت تقول ندمان
عمري
عمري ماهارجع زي زمان
أصلي إتعلمت الدرس تمام
ماإنتَ قتلت الشوق جوايا
بعد ماكنت
إنتِ الدُنيا وكل منايا
وراح أقتل أحلامي
إللي رسمتها مره معايا
ويلا !!!
يلا ياعمري
أيوا ياحلمي
إنتَ ياأملي ودنيايا
صفاء عبد ربه
