خاص بالمسابقة
مسحراتي في ليلة قدر
ارتجالة وقتية ( عامية )
كلماتي : اشجان سليمان
-----------------------
مسحراتي ...
داير ليلاتي
ادق طبلي
اعزف الآتي
واليوم ياصاحبي
نصيحتي ليك
باقي كام يوم
راحل عنا شهر الصوم
واحنا من زمان
في العشرة ديه
ليلة جميلة
ما يعلم بيها
الا الديان
اياك يا سيدي
تغفل وتنام
اصحي وروّق
وأقوم قوام
وادعي ربك
الواحد المنان
ادعي لولدك
وكمان لبلدك
ينصرها ربك
علي اللي خان
واللي باع
واللي الحنان
من قلبه ضاع
ليلة جميلة
سبح وصلي
وصفي قلبك
لله تملي
وقول ياربي
حقق منايا
عبدك انّا
من بين عبادك
عشم ان في وجهك
طمعان فـ العطايا
والأمل في رضاك
مسحراتي انّا
ادق بابك
واعزف الاتي
اصحي يا صاحبي
وصلي فجرك
واسعي لرزقك
ووحد الحنّان ..!!
