مسحراتي .. عامية
كلماتي : اشجان سليمان
-----------------------
مسحراتي انّا
سهران ليلاتي
الف وأدور
لبابكم أزور
وانادي وأقول
اصحي يا نايم
اسمع حكاية اليوم
عن عامل
في شهر الصوم
خارج لعمله
مسلم أمره
حلواني
فكهاني
او خباز
صنعته عكاز
في حارة الصنايعية
في مهنته استاذ
عنده كام عيّل
من الهم شال وكيّل
غرقان في الهموم
سجين في آلامه
عنيه مليانة دموع
مسكين موجوع
تقوله سلامات
يضحك من إلاهات
ويصلي ويسلم
علي رسول الله
وتشوف خطوته
وتسمع دق قلبه
بيغني ود ومحبة
سلم لي ع الأحبة
وأشوفكم تاني بكرة
وأدق علي طبلي
واعزف علي الناي
بكرة انّا جاي
معايا امل وفكرة
مسحراتي انّا
ان كان في العمر بقية
ولا يحصلش انفجار
او طلقة بندقية
مسحراتي انّا
ورزقي علي الله ..!!
