فن الواو ... مربعات/ أسامة الطحان
وانا مين عشان اقدر امدح
سيد البشر دي بحالها
سيرته اما باسمعها بارتاح
والمولى يعلم بحالها
................
النيه خالصه لوجهه
والله طالب حلاله
واللي عشقته لوجهه
الهجر باين حلاله
................
عزِّت على قلبي بَكْرَه
طالب رضاها وباناشد
ولحد ميتى يابكره
هيه تشد و أناشد
................
جمل المحنه برك بيه
قلبي وزادت حموله
ونغزني ف الروح برك بيه
وخصومي قاموا حموله
................
حبك يابت ملح كاوي
صابني وخلاص قلت هالك
ماتكتريش م الحكاوي
وكفايه انا قلتهالك
................
أنا فرستي تسبق الريح
وف قلبي تاخد نفسها
تاخد بخاطر المجاريح
والمسك اشمه ف نفسه
................
وعملت قلبي وطن لك
والعمر انا عشته لاجي
وكام حن قلبي وطن لك
وحلفت م ارجع ولا اجي
