محدش قالى تاج الفل

وطرحه تل
هيبقى قرطة و مقروطة
على فرحة صغنطوطة
فى ديل زفة وزغروطة 
فى وسط البيت
وكان لى نصيب
من بطيخة مملية
بمر و دايب بحنية
وانا قاعدة وبتكلبش 
ووشوش كتيرة بتفتش
دهب عيرة من الغيرة
عنيها شايفه وتتمأوز
وايه خلانى اتجوز
وضوى بنفسى قنديلة
و امسحله وهفيلوة
وكل شويه يؤمرنى
وانا من وجبى ادعيله
يابت هاتى طلباتى
فين اكلى وفين شربى
وفين لبسى وشراباتى
وفلوسى كنت شايلها
فى بناطيلى وقمصانى
محبش الصوت العالى
ويؤمرنى وانا اعانى
وكل حاجة وجعانى
اللبس ده مينفعشى
الاكلة وجعة مصرانى
جنابك فين وسيبانى 
وانا احلامى تكسر
وبص فى وشه اتحسر
محدش ليه علمنى 
جواز كم يوم 
ويطلع عين اللى جايبنى
وحابننى اكون زوجة
هئ ومبسوطة!
وميعرفوش كمان رائى
وانا من وقت ما طلبنى 
بقيت لوحدى مجلوطة
وشهر العسل 
بقى بس هجاء
وصويت وخناق
و اوامره تحاصرنى
تفوقنى تصحينى
على حلم العزوبية 
اللى ضيعته بادينى
قال ايه الجواز عصرى
وهو وكسه بالمصرى
وايه خلانى اتجوز
نجلا ابراهيم
‫#‏شاعرة_متمردة‬