ردت اعدل شعر:صبحي البيجواني

تاريخ النشر : 2010-11-10

تضامنا مع عزيزي يونس ابو صفرة في قصيد ة زوج الثنتين
(( ردت اعدل ))

ردت أعدل قسمت الگلب نصيـــــــــــن
و ميزاني رجح كفه على كفـــــــــــــــه
و تدري بالبشر ما عنده گلبيـــــــــــــن
گلب و شلون أفرج منا نصفــــــــــــــه
متمشكل أنا بميزان الاثنيــــــــــــــــــن
و شرد مني الهوى و الشوﮒ طفـّـــــه‏
شلون الحب يطاوعنا و يظل هيــــــــن
و ما يدري العواطف وين تصفــــــــــه
يعت بيها الحسد و الغيره يا ديــــــــــن
يرضاها علينا بهيچي صرفــــــــــــــــه
جمع ضرتين ما يجلبلك الزيــــــــــــن
تعل و هالعلل لا تظن تشفــــــــــــــــــه
رضا هذي يزعل ذيچ و متليــــــــــــن
و مناوبتك عليك تصير كلفـــــــــــــــــه
ملاوين العمر بالزين و الشيــــــــــــن
و ما تگدر باليريحك توظفـــــــــــــــــــه
لا راسك تدوخه بالزوجتيـــــــــــــــــــن
يضيع من الگلب بعدين ولفــــــــــــــــه
عليك اتيه و تضيع المشيتيــــــــــــــــن
و خافن تالي ما تالي اتـّحفـــــــــــــــــه
دخليك على وحده و عيشو طيبيــــــــن
الگلب بس بگلب محبوبه يدفــــــــــــه
ما طوّل عليك اسأل مجربيــــــــــــــــن
جمع ضرتين ابد ما خوش حرفـــــــــه