وقعت المصيبه يا نصيري ، شعر: أبو الحب
تاريخ النشر : 2010-11-09
راجع حسابك
راجع حسابك يا نصيري الوقت حار
بلش هبوب العاصفه ، و الدهر جار
مقضي الوقت ، تنظم قصايد بالنهار
و بالليل ، ذهنك ، شارد لآخر مدار
كيف بدك تقطف بحربك ثمار !!؟
وانت ساهي ما بتعرف شو اللي صار
وقعت مصيبه و الحكي بكل الديار !!
وقبل خيط الفجر، مش باقي غبار !!
رفيقك بو صفره مُحْبَط و بلش فرار
في حُب وضحه فاشل من خيال غار
و ما بقول عللي (صار) بالليل البهيم
سآل جوزفين شو سمعت خبار !!؟!!
و النهايه شو ..!!؟
هربت خطيفه مع واوي نعسان..!!؟
هربت خطيفه !!؟
من النوم فاق النصيري و الخصر لاوي
موجوع ، ظهرو انبرق من ثقل أحلامو
كابوس ليلو هتفلو : حلمك مخاوي
و بالقلب وقعت فجيعه ، وقعها ضامو
ريح الصحاري بروده ، والعظم هاوي
و أعصاب ، فيها " التكلس " زاد ألامو
بالنوم ، يا ما تقلب ، و الجسم طاوي
و لما تقلب ، سقط عن هامتو حرامو
مسكين صدق حلم ما عرفت شو ناوي
و لا كيف عقلو برم في بير أوهامو ..!
شاف وضحه البدر فوق الرمل ضاوي
توهم بنور البدر ، مشهد في افلامو!
ناسي بانو الهوى، قلب الولف كاوي
و يونس بو صفره،حصانو فالت لجامو
و راح لأبوها تا يخطب قلبها الخاوي
و بالوهم وزع حصص شمَّر عن كمامو
قلو يا عمي الحصص وزعتها مساوي
ما بين عاصم و يونس ، و لكل أحجامو
بتبقى ( جليله ليونس ! ) ودها غاوي
و بو الحب طابت لـ (طيابه !) بأنغامو
و دمعة ابوها روت في صمتها الداوي
راحت خطيفه ! و شفت غربانها حامو
مين الخطفها ، سأل ؟ قلبو انا شاوي
قلو : يا ابني الهوى ، بيغدر في ايامو
قالو خطفها ( ابن سعفان بن راوي )
و يا ليل اسود شفت أهل الحمى صامو
و انتو الثلاثه غلبكم في الحرب واوي
و كتار مثلك يا ابني ، ع الحرير نامو!!
ساحة النقاش