الهم زار أرض العرب
و سكن بدار
و الحزن عشش عندنا
و فتح بازار
القتل صار محبوس هنا
و لا حد غار
و لما ثرنا بعقلنا
ركب الحمار
الذنب أيوه ذنبنا
قالوا اختيار
طب ليه يا حاكم شعبنا
تقتل صغار
تشرب تمص ف دمنا
و  تعيش ف بار
خدت الطعام من فمنا
و بنيت مطار
و لما طارت فوقنا
نشرت دمار
ملعون يا قاتل طفلنا
و كفاية عار
اطلق جيوشك ذلنا
اخفي النهار
بكرة و اقولهالك أنا
هتشوف  مرار
تتمني يوم فيه عفونا
و ما فيش فرار
و لكل خاين وسطنا
ذل انكسار
للشهدا جنة ربنا
و القتلة نار