خفي الدلع و الله عيبة
تتهزي و لا حتي نقطة
راح فين وقارك يا شيبة
في الشارع جبتيلنا نقطة
************
خفي الدلع ايه.. بيبهج
و مرارنا بالهــم طــافح
و الفتنة نارها بتــوهج
و لا حـد بالحب صافـح
*********
خفي الدلع و الله عارف
من الفقر و الهم عاذرك
القلب مــقـهور و خـايف
و لمين راح تشكي عذرك
***********
خفــي الــدلع راح خـلاص
و لا عدشي في حق واصل
و ظـــلام مـا بـايـن خــلاص
 كـل مــا تخــلص تـواصــل
***********
خفي الدلع دي المصايب
عمالة تخبط في راسي
و السهم مهزوز ما صايب
و الهــم قــاعد و راســي