ساحة الانتظار ............
على ساحة الانتظار وهناك بداخل المطار 
حكايات وروايات نحكى ونحلم ليل نهار
عن شاب حابب غربته على كتفه شايل شنطته 
بيودع ايام وكانت هتفضل لسه بسلته 
عاينها وقت اللزوم لما الحنين يغلبه
يبص ليها يفتكر ايام ما كان بعزبته 
كان سرير له لوحده ينام ويصحى براحته
دلوقتى ولا واخد راحته حتى ان كان فى شقته
امه تعد الايام بدعاها تنور سكته
عن الحرام يارب ابعده ويراعى فى شغله ذمته
ابوه زرع فيه الضمير حتى لو على حساب صحته
اشتاق لامه واخوه وابوه وصحبته
كل اللى بينهم صور ومكالمه تنتهى بدمعته
دمعه حارقه على الخدود يتمنى يرجع لدنيته
ياغريب ومتغرب ابعتلك مليون سلام
سلام يحفظك وسلام يصحيك وسلام يصاحبك قبل ماتنام
لسه فاكرنى ولا نسيتني ولا بقيت بالنسبالك اوهام
انا مستحيل انساك وتركتك في يد خالق الانام
ان ربنا يسلمك ويحفظك من عين لا ترام 
وترجع بالسلامه دنيتك مرضى ومرتضى ولا تضام 
كلمات الشاعر / على سالم