إنتى مين?!! 
الشاعر محمدضباشه
_________
حد قالك قلبى م~ لك
وخف نبضة حبتين
ولا فعلا هو مال لك
وكنتى ضى للعينين
خايفة ليه والقلب قالك
إنه عشقك من سنين
وان روحه طايره فيكى
وهو ليكى شراع سفين
صفى قلبك م الضنون
اللى حب ازاى يخون
وانتى كحل للجفون
وعارفة طبعا انتى مين!
قمرة أغزل بنولها
حب ظاهر على الجبين
ارض تنبت بقولها
قلب نابض بالحنين
بسمة تطير عقولها
لما تعرف منى فين
مدى يدك ليا شوق
د احنا والله قريبين
مدى حضنك جوه قلبى
وامحى ليله الحزين
ونورى شموسك يا حبى
جوه روح العشمانين
كونى عشى كونى دربى
كونى بلسم للأنين
اللى ويا الحرف يحكى
عن هيام المغرمين
اللى فى بعادك بيشكى
من ظنون الحيرانين
قومى صحى النبض فيكى
يلمح الشوق اللى جاى
جاى بأحلامه يناديكى
جاي شايل عمره ليكى
جاى وحبه بيناديكى
جاى يقولك مشتاقين