١٧ ساعة
ومن جوا قلبو يحبها
كلنا .. مش بس انا
دى أمنا واحنا الضنا
حتى اللى محسش بالهنا
لو غاب عنها ميت سنا
يرجع يبوس أرضها
كلمه ويسلم اللى قالها
بنحبها على كل حالها
بترابها وبطينها وعبلها
بفقرها أو قلة مالها
ونزعل م اللى يسبها
متخافيش ياست لولو
ميقدروش منها ينولوا
بنحبها ومهما يقولوا
بلدنا حارسها ربها
بنفكر الناس الناسيين
بلدنا واحنا بها حاسين
بلد الأزهر والحسين
والنيل بيجرى ف أرضها
بنحبها ومش بالكلام
ولا كلمه نقولها والسلام
نتمنى نشوفها فى الأمام
كل العالم ورا منها
بنحبها ونسمع كلامها
وبدمنا نرفع علمها
أحلى سلام لينا سلامها
بنعظملها .. ونجلها
وأقسم بالله بنحبها
منير خاطر
عدد زيارات الموقع
58,229