نور الصباح والفجر لاح
وأبو البنات خلف ولد
والفرحه غمرت قلبهم
أفرح ياأبويا جالك سند
فرحو الصبايا وهللوا
والشعر ع الكتف أتفرد
والأم شدت ضهرها
الدار بقى ليها وتد
العمر راح مليان جراح
بين المشقه والكبد
والحلم ياما عاش معانا
وبدعى ربى بالمدد
سرق الزمان شعر السواد
والخطوه صبحت نص خطوه
والضهر منا أنحنى
هجرتنا الصحه مع القوه
والورد ف خدود الصبايا طارح
والأب خايف م الكلمه الحلوه
يرميها شاب مريض جبان
لا عنده حياء ولا عنده نخوه
والورد من غير شوك
ينداس بقسوه
جالهم الضل والسند
صُحبه وأخوه
ربك كريم جواد
والفرحه حلوه١ تعليق١١
عدد زيارات الموقع
58,229