وبقيت بالاقي نفسي
مع حد فيه شئ يشبهني
ملامحه تشبه ملامحي
بعيون عسلي وبشره قمحي
صوته فيه رنه بتعجبني
وليه طله حلوه بتخطفني
بارتاح له وكأنه ملكني
سلطانه فارض علي قلبي
أحكام سريانها وقتي
يسرقني الوقت ومشبعشي
ده في أنسه ساعه تعوضني
عن سنين ضاعت من عمرى
إيه يعني اسهر واستني
يستاهل دغلاوته تغني
عن غيره وأنا ماأضمنشي
أستعجل ألقاه يودعني
موصوفلي جايز موصوفلي
معرفشي إزاي ده حصلي
ساحر لي ده يبقي من حظى
راح اصلي دايمآ وأدعي
وأشكر ربي إنه أختارني
ده يا ريته اختارني من بدري
بالصدفه كانت معرفتي
قابلته وأول ما لمحني
نظراته كانت بتملي
للساني كلام نصه بيكسفني
معذور ماهو أصله عحبني
وعشانه راح أخش تحدي
للدنيا ورهانها علي أسهلي
ده في سري بيني وبين نفسي
ما مصدق إنه أستلطفني
ده جوابه لساه في محفظتي
في بالي وفي عقلي بيحكي
يرسملي بشفايفه الوردي
برساله مبعوته لقلبي
يقصدني طبعآ يقصدني
ما هو واضح في كتابة إسمي
ومعاني معظمها توصفني
بصراحه من نفسي سرقني
سمعني كلام خلي لي مشاعري
تدفعني للشوق تدفعني
يستاهل أعيش له عمري
ومفيش غيره ممكن يوحشني
لو حتي مستنظر جنبي
باحبه وحبي ليه حصري
فرض حصاره وأستوطن في قلبي
باحبه وحبه وطني
بقلم الشاعر(إبراهيم الزقم)
