رحلت كوانين الشتي ودفيت
النسمات
***---*** ولبست مروج هالضيعة فستانها الاخضر
واجا نيسان ضحك الكون
والنصبات
***---*** وعبا البراري ورود اصفر واحمر
وعصفورة ل فراخا عم تجمع
القشات
***---*** وعصفور لاحقها من الصبح المعتر
وطالب بيدرس للفحص شدشد
الهمات
***---*** عاسهرة بين رفقاتو قديش يتحسر
وصبية بحسنا والحلا خاوت
النجمات
***---*** لما كونا ربي شو اعتنى وكتر
ناطرا الفرحة ملبكة تامن
جهازات
***---*** عرسها عالصيف بدا كتير تتحضر
وعلى مروج الحلا يسرحو
نحلات
***--- *** من رحيق زهورنا هالعسل يتقطر
وهونيك فوق ورودنا حامت
فراشات
***---*** سبحان رب الكون شو ابدع وصوّر
وزهر بلوز ضيعتا يحكيلنا
حكايات
***---*** وموسم العقابي نزل وخوخنا الاخضر
وشب وصبية المسا تلاقو على
النبعات
***---*** وهونيك كان العهد بعيونها تخمر
ويرجع عاشباك الحلم ويطول
السهرات
***---*** وعالهاتف يغازل حلاها وللصبح يسهر
شوفو قمر نيسان شو سمع
خبريات
***---*** وشمس الضحى تضحك والفجر يتاخر
الكون كلو ياربي بيمجد
بتسبيحات
***---*** وبقدرتك يارب الكون كلشي بيتغير
رجع يارب المجد لمروجنا
البسمات
***--- *** يبست عالحقد يارب بدنا البلد يعمر
*****************************************
صباحكم ربيع المحبة
صباح السلام
صباح الفل
اصدقائي
..........................................................
الشاعر السوري المهجري : د اليان سمعان
سفير اكاديمية السلام في المانيا . فرع كاليفورنيا
