حَبْسُونِي عْيُونِكْ يَا نَدُّو

حَبْسُونِي عْيُونِكْ يَا نَدُّو === رَبْطُونِي ورْمُوشِكْ شَدُّوا

لاَعَنْدِي قُدْرَة نْقَاتِلْهُمْ === لاَهُمْ تََرْكُونِي لاَ تْهَدُّوا

مسكوا أنفاسي بتذبيلهم === فكّوا روحي وماردّوا

سبحانو ربّي اللّي صوّر === حسنك كلّو من عندو

عطاك الزّين المنوّر === لاحد يقدر يعاندو

من حَبْ عيونك يا عَبْدُو === طال ليلو زايد سهدو

برماح رموشك رموني === جرحو قلبي وتعدّوا

شقّو الكبدة شافوها === لقوا زينك متربّع وحدو

بعثتلهم العفو نترجّى === سكتوا عليّ وماردّوا