=====ظالم=====
قلبك ظلمنى
مش هاظلمه
هو تاعبنى ..
مش هألمه..
بس الى عايزك
تعلمه... ان انت
خسران كتير
خسرت قلب
كان بيفرشلك حريره
جرحته .
وهو كان لقلبك اسيره
كان بيفرح زى طفل
فى حضن امه
كان بيأمن فى منامه
وانت يامه
كان بيحلم
انك فى عمر صغيره
كان ديما لك مطيع
وانت اميره
كان يحس فى كل ثانية
ان حضنك انت الحياة
ماكنش شايف حاجة تانية
غير انك طوق النجاة
بس ياخسارة ظلمته
سبته وهو لسة
فى حبك بيحبى
سبته ولسة عن شوقه
ما يعرفش يحكى
سبته وهو ياقلبى
ما ياقدرش يشكى
بس عارف انت صح
انت كنت كتير تلمح
انك حاسس بسفينتك
يوم هتجنح
انت صح
بس قلبى مش هايسمح
انك تانى تظلمه
او تألمه
او عن ظلم قلبك
يوم هايصفح
قلبك ظلمنى كتير
=====رمضان على =====