عمي الاستاذ
********
وبقاله زمان
فاتح دكان
من غير عنوان
غلبان غلبان
علي اد الحال
اصغر بقال
والرزق حلال
وتمر سنين
و القلب حزين
واقف تمثال
قاعد و خلاص
ومفيش اخلاص
عامل شغال
وكلام الناس
زي الوسواس
بيهد اساس
مش لائي سؤال
والناس بتموت
والقطر يفوت
وخناقه تقوم
علي حبة مال
يا خساره ع الناس
كله بينداس
من غير احساس
وكلام يتقال
زلزال زلزال
والدنيا صراع
انسان طماع
مش راضي حلال
بيلف يمين
ويلف شمال
عايز خزان
مليان مرجان
من أي مكان
وفلوس تنشال
ف الصحرا جبال
عايش تعبان
ويموت عريان
ويفوت الناس
ويفوت المال
يدخل مزعور
من أي قبور
و يفوت النور
يستني سؤال
خايف يتهان
مش لائي لسان
ويمر زمان
مش لائي المال
و لا حتي عيال
فوق راسه يشيل
والعزم قليل
محتاج شيال
وعيوب و ذنوب
مش راضي يتوب
و ذنوبه تلال
زلزال زلزال
هيدمر .. ناس
عمي الاستاذ
مليان احساس
والشكل جميل
محتاج برواز
يا خساره ع الناس
وعيون الناس
ف الليل سهران
علي لمبة جاز
وكلام ماهوس
والدنيا دروس
زي ... الالغاز
عمي الاستاذ
دايما محتاس
مش لائي مداس
محتاج إعجاز
عامل ارجوز
وساعات قرداتي
بياكل ... موز
يا خساره ع الناس
عمي الاستاذ
علطول مهموم
غرقان ف هموم
مش لائي يجيب
أمبوبة .... غاز
والست ... دلال
بتقول ..... موال
البنت .... حنان
جلها ... العرسان
من كل مكان
محتاجه جهاز
بنت .... الاستاذ
وابوها فقير
مش لائي مداس
رجليه مليانه
رصاص و إزاز
والواد شفتوره
متصور صوره
لابس ..... قفاز
قاعد ف النادي
مع ميمي وشادي
وسرير هزاز
قدامه التاب
وفلوس وحساب
بيرتب ... عشوه
علي .... التلفاز
يا خساره ع الناس
كله .... بينداس
من غير إحساس
********
بقلم / طه إبراهيم
ساحة النقاش