(مجلة كل الخواطر) مستنى لى غلطة --------بقلم الشاعر\السيد اللفاف

مستنى لى غلطه ؟
****************
مستنيلى غلطه اعملها
علشان يعنى تلقى مبرر
ابدا ابدا مش هتنولها
وياريتك على غيرها تدّور
على غير العاده متحفظ
ومشهود لك انك متحفز
فاتح خط وعمال توعظ
خليتنى مش قادراعقلها
مستنيلى غلطه اعملها ؟
* * * * * * * * * * * *
حالتنا فريده ومالهاش زى
ولايمكن ابدا تتكرر
قطفنا حصادنا ولساه نى
وعيشنا العمر بطعم ممرر
وياعالم ايه شكل الجى
وبتدور على اى مبرر
الفكره دى ياريت تهملها
مستنيلى غلطه اعملها ؟
* * * * * * * * * * * * *
هيهات تتعلم هيهات
وتنول منك الاّهات
وبدال ما نلملم بقايانا
ونعدى فوق الازمات
بتعلقنى وراهن حبى
على نظريه ل حتمالات
اتحرر من وعدك ليا
واعتبره وكأنه ماكان
مش ممكن علشان نتفرق
لازم اكون انا الغلطان
لو تداويك انا راح اقولها
مستنيلى غلطه اعملها ؟
** ** ** ** **
اطيب تمنياتى
السعيد اللفاف