ياقلبي لا يوم تتآلم .
انسي بقا واتعلم .
لا كلمه حق تقول .
ولا صوتك يعلي ويثور .
اربط لسانك .. لجم ..
زمن البطوله فات .
سيف العداله مات .
حتي الفاروق عمر .
ما حد منه اتعلم ..
علي مر سنين وايام .
عايش في احلام .
انك تلاقي الحق .
صوته يعلي .. ويتكلم ..
فاكر نفسك مين ؟.
غطت دموعك العين .
عايش في اوهام .
لا انت ابن الخطاب .
ولا انت صلاح الدين ..
داير تلف بلاد .
تصرخ تقول ياعباد .
فين العدل فين ؟.
انسي بقا وسلم ..
العدل ..... كفنوه .
وف تابوت دفنوه .
ويوم مماته صرخ .
ما حد مني يتعلم ..
ياقلبي لا يوم تتآلم .
انسي بقا وسلم .
انسي بقا وسلم ..
فتحي وجيه ..