جارى التحميل
استخدم زر ESC أو رجوع للعودة
.......(الشرنقة)..........
إطلعي م الشرنقة
خلي الحقيقه تبان
لفي خيوطك بقى
على غيري مهما إن كان
صوفك وفي المصبغة
إعطي له أي دهان
ياحلوة يامفرغة
خسرانة أي رهان
نفسك حياة فخفخة
والجزر في الهزيان
سوق النساء إتلغى
تجري في أي مكان
تاجري بأي لغة
وتدوسك الأقدام
جلدك وفي المدبغة
بتبدليه لو بان
نتيجة للمدبحة
بقت الجلود بميزان
إختاري يامدروخة
وإوعي يكون إنسان
ياأم الهوا مَرْوَحَة
مصنوع لكن عيان
وحياة غرام إتمحى
ناقص له بس بيان
من يوم ركبتي الرحا
وشربتي م العصيان
عندي أنا مِرَوَحَه
ولا ليكي أي مكان
جيالي مِــتطِّوحة
وتقولي فعل الجان
وحياة إله الضحى
والفرح كل آذان
قلبي في غرامك ضحى
مرفوضه م الاكوان
.........(شعر).........
عبد الله السايح
