جارى التحميل
استخدم زر ESC أو رجوع للعودة
الناس اتغيرت
شعر غنائى
إسلام عامر
الناس ... الناس ..... الناس اتغيرت
اللى بيظلم اخته واخوه
واللى مزعل امه وابوه
واللى يخون اللى يحبوه
واللى بيبكى وطول الليل سهران
شاغل باله وتاعب قلبه
وغرقان فى الاحزان
على ناس ظلموه وباعوه
الناس ... الناس ..... الناس اتغيرت
حتى الصاحب مبقاش صاحب
زى زمان ... كان يواسيك
كان بيهون كل الصعب عليك
وينسيك مر الايام
دلوقتى يشوفك يضحك فى وشك
ومن وراك يذم فيك ... ويحكى عنك
ويقول اللى مش فيك ... فيك
ويخونك ويغشك
الناس ... الناس ..... الناس اتغيرت
عجيبة يا دنيا الاوجاع
كلك غدر وفراق وخداع
كانك غابة
عايش فيكى وحوش وديابة
مش بنى آدمين ولا بنى إنسان
الناس ... الناس ..... الناس اتغيرت
.........الناس اتغيرت .............
كلمات / إسلام السيد حسن السيد سالم عامر
