(مجلة كل الخواطر) سيب الفكة -----------بقلم الشاعر \الصافى ابو عمار

#سيب_الفكه 
..
ناس تقوللي سيبها فكه ........ وناس تعوّم ف الجنيه 
يغرزوا ف القلب شكّه ......... ويرفعوا مسئول وبيه 
والكراسي هيه هيه !! 
تفتن ال قاعد مأنتخ ...... واللي يحكي تدوس عليه 
والبواقي في الزمن زي الرحايا 
تطحن المعجون بقوته .......... تخبزه وتبدر عليه 
سكر الأوجاع برقه ............ أصل لسه النبض فيه 
لو يموت برضه هاياخد ......... حقه كامل لوم عليه 
...
صوت كمان يقول مصالحه ..... والهموم في سمانا طارحه 
تكنس الكل ف طريقها .............. تبتسم وعيونها فاضحه 
مهزله نشوفها يوماتي 
واللي فاضل ليا آتى ................ كاس مرار مختوم عليه 
اني اشرب لازم اشرب 
في حياتي طعم مالح .............. والعرق يمضي عليه 
هيا دنيا للمصالح ....................... تهدي للغلبان أيه 
لطمه من كف الاسيه .............. أما هو تطبطب عليه 
.... 
مش ها ازود ف الكلام ............ ولا الون في الاشاره 
دينا هو اصله السلام .............مفيش فوارق او إماره 
إلا بالتقوي اللي هيه 
توزن بصدق البريه .............. وكل شيء يبان عليه 
في الكتاب مسطور له دوما 
من ميلاده للفنا .................... وكل شيء مخفي عليه 
مش ها اعاود للعنا .................مش ها اقول أزاي وليه 
بس كلمايه ها اقولها .............. هادي ربّك عود اليه
#الصافي_ابوعمار