(مجلة كل الخواطر) التحدى --------- بقلم الشاعر \طه ابراهيم

إهداء إلي جنودنا البواسل في ذكري أعياد النصر المجيد
التحدي
@@@@@@@@@
هيا هيا روح عافيه
نفس روح السبعينات
الإراده والتحدي والثبات
نفس روح السبعينات
الكرامه والشهامه والعادات
جندي واقف ع الحدود
بالعيون ...... الساهيرات
جندي واقف ع الحدود
صوته عالي بالآيات
جندي واقف ع الحدود
أي خطوه إبداعات
لما يفرح كان يكبّر
صوته أقوي م الدانات
فوق خدوده الشمس طله
تحكي عنه كتير حاجات
تحكي قصة شعب ضحي
بالليالي ...... والساعات
تحكي قصة شعب ضحي
قلبه خايف ع البنات
ع الولاد ...... الطيبيين
ع الطيور .... السابحات
ع الكنائس ع الجوامع
ع العيون ... الباكيات
لاجل مصر تكون سعيده
شفنا أكبر معجزات
لاجل مصر تكون أبيه
صوتها عالي ف الساحات
لاجل مصر تكون صبيه
بالعيون ...... الساحرات
لاجل أختي لاجل أخويا
اللي ضحي واللي مات
واللي عاشق لون ترابها
واللي جبها من شتات
هو مصري لونه قمحي
ف الطبيعه والسمات
كان بيحلم تبقي جنه
أرض فيها المعجزات
لما نور الله تجلي
جِه نبينا ف الميقات
لما نور الله تجلي
ع الجبال الراسيات
يعني سينا أرض طاهره
فيها كل الذكريات
قوم يا مصري إرمي بذره
تبقي شجره بالمئات
قوم يا مصري إسقي زرعك
تبقي جنه ف الواحات
قوم يا مصري إحمي نفسك
من جميع المهلكات
شوف جنودنا إزاي بواسل
زي جيل السبعينات
اللي طهّر واللي عمّر
واللي حقق معجزات
@@@@@@@@
بقلم // طه إبراهيم