(مجلة كل الخواطر) فركش سكر ---------بقلم الشاعر \احمد عبد اللطيف النجار

بسم الله الرحمن الرحيم
فركش سكر !!
علي هامش أزمة السكر المفتعلة من التجار الخونة الجشعين الذين لم يراعوا الشعب المصري المسكين ، فقرروا ــ مجتمعين ــ أن تكون حياته أكثر مراراً ، هؤلاء أخطر علي الأمة من الإرهابيين ويجب محاكمتهم محاكمة علنية وضربهم بالنار في ميدان عام !!!!!!!!
كلمات / أحمد عبد اللطيف النجار 
شاعر أم الدنيا الحزينة !!
شعبنا سكر ...
شربات والله ...
ومسكر ..
فجأة ضاع ...
منه السكر !!
لكن حل ..
الأزمة بسيط
نشرب شاي ...
من غير سكر 
نشرب قهوة ...
من غير سكر 
وعصير ممكن ...
من غير سكر 
حاجة طبيعية ..
لمرضى السكر 
علشان نص ...
الشعب مسكر ..
يعني عنده ..
زيادة في السكر 
طيب نزعل ...
ليه ونفكر ...
كان مفروض ..
نضحك ونكركر 
نمنع قهوة ..
نمنع شاي ..
ونفكر في ...
بكره الجاي 
ونعيش يومنا ..
من غير كيَف 
ولا قعدة قهوة 
ومصاريف 
ونوفر قرشين 
لأولادنا ...
عبده وصبحي 
حسين وظريف 
شوفتوا السكر ..
حيّر بالنا ....
خيّب في حكومتنا
آمالنا ....!
عاجزة عن ...
ضبط الأسواق ..
ولا تعرف حالها ...
من حالنا !!
قولنا نروح ...
لرئيس حكومتنا 
نشكى ليه ...
مُر حياتنا ..
قال يا حبايبي ..
لازم نصبر ..
علي سكر ...
مرر أزماتنا 
بس أكيد ولحل ..
حالتنا ..
هانفرّق عسل ...
علي البطاقات !
وتصرفوا بدل 
السلع مُغات !
للأسرة عدة
زلعات ....
تشربوا حاجة ..
فرش .....
FRIISH
طبيعي ...
ولا تنقصكم 
أي حاجات !!
شوفوا حكومتنا ..
وحكمتها 
غلبت حكمة
الخواجات !!
مسكينة أم الدنيا
حبيبتي ..
وجميلة الجميلات 
دايماً عايشة ...
قليلة الحيلة 
وتصدى عنّا ..
الطعنات !!
وإحنا في أحضانك
عايشين ...
نكبر علي كل الأزمات 
والصبر طيب عارفين 
والمصري صابر في ثبات 
المصري صابر في ثبات
المصري صابر في ثبات !!
أحمد عبد اللطيف النجار 
شاعر أم الدنيا الحزينة